كيف تصبح مضارب في السوق بدون مخاطره؟؟؟
 

السلام عليكم
المضارب مايهمه الشركه خسرانه ولا ربحانه المهم السهم طلوع . . . . ونزول . . ..
1| راقب السهم وحاول تعرف السيوله التي في السهم متى تدخل وتطلع يعني شف تحرك العرض والطلب . . . كيف يبي لها شرح اذا كان الطلب اكثر من العرض لمدة يوم تداول اعرف ان السيوله او الهامور او القروب داخل طبعا الهامور الذي يملك ملايين وتشوف انت الطلبات التي على السهم اذا دخل مايبيع بخساره ادخل انت وبيع اذا شفت الطلبات خفت لا تقعد لين يتعادل العرض مع الطلب اخاف يصرف بطريقه احترافيه وسريعه وتقعد متعلق ولا تقعد لين يصرف وتقول ابي اصرف معه تتعلق حاول تبيع قبله حتى تكسب ولا تخسر وهذه الطريقه يبي لها متابعة لمدة طويله على السهم
2| اذا جتك اشاعه على سهم او توصيه من شخص ( وانت متاكد من كلامه ) وقال مثلا اشتر بـ 10 وبيع 13 ودخلت السهم بيع بـ11,75 __ 12 وتاكد ان اكثر الذي يوصون يملكون في السهم ....
3| اذا كثرت الاشاعات على سهم وفيه ارتفاعات ابعد عنه مثل ماحصل في الاسماك قريبا انا جتني توصيات كثيره عليه عندما وصل الى 50 ليش يدورون واحد يدبسون السهم فيه


المغرب اذن وابي اروح اصلي . . .. . . الاخوان الي عندهم سياسه آمل ان كل واحد يجاوب على الموضوع حسب الخبره