عرض مشاركة واحدة
قديم 12-30-2011, 03:47 PM   المشاركة رقم: 1 (permalink)
المعلومات
الكاتب:
اللقب:
عضو مميز
الرتبة


البيانات
التسجيل: Dec 2010
العضوية: 6
المشاركات: 1,747 [+]
بمعدل : 0.36 يوميا
اخر زياره : [+]

التوقيت

الإتصالات
الحالة:
فائز غير متواجد حالياً
وسائل الإتصال:

المنتدى : مركز بورصة الاسهم العربية
السلام عليكم ورحمة الله وبركاته

السادة أعضاء المنتدى


هنتكلم هنا عن ثورة 25 يناير وطبعاً مش هنتكلم فى السياسة نهائياً وعايزين نعرف هل الثورة هيه اللى أثرت على البورصة يوم 25 يناير 2011 ولا أساساً البلد كان فيها ضعف اقتصادى مش عايزين نتكلم فى السياسة , ناهيك كمان عن خسارة مستثمرين كبيرة جداً وتجار وسماسرة اتأخروا فى الخروج جداً ده غير اللى قاعد فى السوق لغاية دلوقتى


, غير اللى دخل السوق برده قبل الثورة وبعدها كمان بنتكلم عن شهر يناير بالذات .


يعنى نسأل نفسنا سؤال هو السوق كان مكمل صعود مثلاً والثورة اللى قضت على صعوده .


كلامنا كله هيكون عن علم التحليل الفنى وازاى كان لازم أتجنب كله الهبوط اللى حصل ده .


وكمان كان فى اشارات خروج من مؤشرات البورصة وحتى الأسهم القيادية التى تقود كل قطاع مهو الناس بقى بتقولك ( الثورة هيه اللى خسرتنا كنا ماشيين كويس منهم لله اللى فى التحرير , شوية عيال ضيعوا البلد ) وأصلاً البلد كانت ضايعة من غير أى ثورة .


والبورصة أساساً كانت خروج نهائياً وانتظار وهنثبتلكم بالرسوم البيانية كانت فين اشارات الخروج الواضحة ورؤية السوق كانت ايه قبل حدوث الثورة .


وهنفترض مع بعض ان احنا رجعنا بالزمن للوراء / والمفروض كنا نعمل ايه.


يا جماعة أى سوق مالى فى العالم مش فهلوة ولا قمار ولا حظ , والتحليل الفنى هو علم دراسة الرسوم البيانية بغرض التنبؤ بالأسعار المستقبلية .


والبورصة مرآة لأقتصاد أى دولة فى العالم وعن طريق علم التحليل الفنى احنا ممكن نتنبئ بما سوف يحدث فى أى سوق مالى فى المستقبل سواء سلبياً أو ايجابياً وبغض النظر عن ما هو السبب المؤثر لأن كل الأسباب دى هتنعكس على الرسوم البيانية .



* وتعالوا نحلل مؤسرات البورصة المصرية والأسهم القيادية ونشوف ما هو القرار بناءً على أننا قبل حدوث الثورة .


ونشاهد ما هى رؤية المحلل الفنى وائل يحيى ( محلل فنى معتمد دولياً وحاصل على شهادة ال CFTe ).



أولاً :- مؤشر EGX30


المؤشر فى اتجاه عرضى بين 5800 دعم و 7300 مقاومة ولم يستطيع المؤشر كسر المقاومة فى شهر أكتوبر 2009 وشهر مايو 2010 والنهارده المؤسر وبعد مدة أسبوعين لا يستطيع اختراق المقاومة ومش قادر حتى يقفل فوق المستوى وكمان عندنا رؤية لمدة سنتين مش قادرين نكسر مستوى ال 7300 .


اذن فما هو العذر لبقائك فى السوق حتى ذلك اليوم .


وده تشارت للمؤشر EGX30 حتى يوم 16/1/2011 قبل الثورة .



نقرتين لعرض الصورة في صفحة مستقلة



طبعاً كلنا شايفين التشارت ومكان الخروج فين عند المربع الأحمر على اليمين فوق وطبعاً احنا دلوقتى لافى ثورة ولأى حاجة واضح جداً ان لازم كنت تخرج النهاردة لأن بكرة ده اللى حصل بعد كده .



نقرتين لعرض الصورة في صفحة مستقلة




لو كنا خرجنا عند المقاومة كنا تجنبنا الخسارة اللى حدثت فى المؤشر لاحظ أننا نتحدث بالرسوم البيانية يعنى لم نقول لو بس الثورة مطلعتش ولكنا قولنا ( لو أننا خرجنا عن المقاومة مستوى ال 7300 )




ثانياً:- مؤشر EGX70



المؤشر أساساً فى اتجاه عام هابط طويل الأجل والاتجاه الصاعد اللى كلنا شوفنا من يوليو 2010 الى أول يناير 2011 هو اتجاه صاعد متوسط الأجل ضد الاتجاه العام الهابط تصحيح يعنى وأى اتجاه صاعد بيكون شراء على خط الاتجاه وبيع عند خط القناة زى ما موجود على التشارت وطبعاً كلنا شايفين ازاى كل مرة بنروح عند خط القناة وننزل تانى ومن عند خط الاتجاه بنصعد تانى وهكذا .



نقرتين لعرض الصورة في صفحة مستقلة



وواضح جدا ان احنا النهاردة 16/1/2011 وصلنا لخط القناة من يومين كمان قبل كده يوم 12/1/2011
ويوم 13/1/2011


طبعاً كل اللى مخرجش من السوق شاف الهبوط ده اللى كلنا شفناه لاحظ هنا أن احنا بنقول مخرجش عند خط القناة مش بنقول ثورة لأن لسه الثورة محصلتش .



نقرتين لعرض الصورة في صفحة مستقلة


النهاردة 16/1/2011 وبقالك من 12/1/2011 مخرجتش فايه هو السبب اللى مخلكش تخرج النهاردة .



ثالثاً:- قطاع السياحة


1- المنتجعات السياحية ( السهم الرائد لقطاع السياحة )


اتجاه عام هابط طويل الاجل أساساً وأداء سىء جداً للسهم قبل الأزمة العالمية من عام 2007 وبعد كده دخل السهم اتجاه عرضى .


نضيف على ذلك أن السهم مش قادر يكسر مستوى ال 2.20 ج وجرب على المستوى


فى يونيه 2010
وفى أكتوبر 2010


السهم قبل يوم 16/1/2011 وما الرؤية على التشارت


نقرتين لعرض الصورة في صفحة مستقلة


وكانت اشارة الخروج أوتاموتيك 16 يناير 2011 والسبب واضح جربنا مرتين على مستوى 2.20 ج ومكسرناش لأعلى .


بنقول هنا قبل ما الثورة تحدث احنا النهاردة كنا المفروض نخرج لعدم تجاوزنا مستوى ال 2.20 واللى حصل بعد كده للسهم .


نقرتين لعرض الصورة في صفحة مستقلة


ممكن واحد يسأل ويقول أن الثورة أثرت على السياحة أكثر ومبقاش فى سياحة طب ما كلنا شايفين السهم على التشارت من 2007 واحنا فى اتجاه عام طويل الأجل ( خلاص الثورة هيه اللى أثرت!!! لكن الاتجاه العام طويل الأجل الهابط ده مش هو السبب ,السهم عمال ينزل يا جماعة ويفقد من قيمته وده دليل أن القطاع كان سىء جداً من غير ما تيجى ثورة وتأثر عليه نهائياً)




2- رامكو




السهم أساساً من أواخر 2009 مكسرش ال 7.50 ج وكمان هو فى اتجاه عام هابط طويل الأجل وبيختبر مقاومة عند ال 5.30 ج فى شهر أكتوبر 2010 وبينزل تانى من المقاومة .


وده السهم قبل الثورة وكان لازم نخرج عند المقاومة 5.30 فى أكتوبر 2010 .


السهم برده أدائه كان سىء للغاية وطبعاً اللى مخرجش عند المقاومة 5.30 ج مش عذر يقول أن الثورة أثرت على السهم ده حتى كمان كان بينزل من قبل الثورة طب كمان هنقولكم على حاجة السهم كسر مستوى تانى اللى هو خط القناة وهو عمال يجرب عند مستويات ال 4.20 ج الى 4.50 ج ومش قادر يكسر خط القناة ويرتد لأعلى وبقاله شهر بالكامل مش قادر ينفذ فوق خط القناة .



نقرتين لعرض الصورة في صفحة مستقلة


كان عندنا فرص كتيرة ووقت كبير عشان نخرج لكن بنجيب اللوم على الثورة ومش عايزين نعترف بكل اللى ذكرناه قبل التشارت .




نقرتين لعرض الصورة في صفحة مستقلة



وعشان مخرجناش عن خط القناة المسكور ده لومنا الثورة وده الهبوط فى السهم .




4- مينا للأستثمار السياحى والعقارى



السهم فى اتجاه عام هابط طويل الأجل يعنى أداء سىء من غير ثورة وكمان لمدة سنة السهم مش قادر يكسر مستوى ال 4.50 ج وكانت خروج فى شهر أكتوبر 2010 .



نقرتين لعرض الصورة في صفحة مستقلة





رابعاً:- قطاع الموارد الأساسية


حديد عز


السهم كان أدائه كويس كان فى اتجاه صاعد ولكن تم كسر هذا الاتجاه فى شهر مايو 2010 ودخل فى اتجاه عرضى بين دعم 17 ج ومقاومة 20ج وجربنا على المقاومة مرة ومقدرناش نكسرها ده كان فى شهر أكتوبر 2010 وكمان جربنا على المقاومة تانى فى شهر يناير وبالتحديد يوم 16/1/2011 اذن ما هو السبب الذى يدعوك لعدم الخروج من السهم مكنش فى أى دلالات على أنهم السهم سيواصل لأكثر من المستوى ده ( أى اتجاه عرضى شراء على الدعم وبيع على المقاومة واحنا وصلنا للمقاومة فما هو القرار !!!!! لكم الحكم والقرار .



نقرتين لعرض الصورة في صفحة مستقلة




مع العلم كان عندنا وقت نخرج فيه كافى جداً 6 يناير ,16 يناير ,23 يناير .





خامساً:- قطاع المنتجات المنزلية



كابو


السهم فى اتجاه عام هابط طويل الأجل من منتصف عام 2009 السهم نازل من 2.90 ج فى عام 2009 الى 1 ج وده أقل سعر وصله فى مايو 2010 .



نقرتين لعرض الصورة في صفحة مستقلة





خامساً:- قطاع الخدمات المالية


بايونيرز


ملحوظة اتجه السهم للصعود بعد الثورة


السهم أيضا كان فى اتجاه عام هابط طويل الأجل لاحظ بعد يوم 24/3/2011 أن السهم حقق مكاسب أكثر من 100 % السهم وصل من 2 ج ال 5 ج يعنى الثورة هنا ملهاش علاقة خالص .




نقرتين لعرض الصورة في صفحة مستقلة



ازاى السهم يعمل المكاسب دى بعد الثورة !!!





سادساً:- قطاع الإنشاء


1-أوراسكوم للإنشاء والصناعة


السهم فى اتجاه عرضى طويل الأجل من أكتوبر 2009 حتى الأن ومعالم الاتجاه مقاومة 280 ودعم 218 ج نفتكر أن احنا بنتكلم عن رؤية وكأننا فى شهر يناير قبل الثورة .


السهم فى أكتوبر 2009 لم يتخطى مستوى ال 280 ج
وأبريل 2010 لم يتخطى مستوى ال 280 ج
ونوفمبر 2010 لم يتخطى مستوى ال 280 ج
وأول أسبوعين من شهر يناير 2011 لم يتخطى مستوى ال 280 ج


السهم قبل الثورة



نقرتين لعرض الصورة في صفحة مستقلة



أعتقد أنه سب كافى جداً أن احنا كنا نخرج عند المقاومة زى ما السهم عودنا على ال 280 ج.


ملحوظة هامة جداً ( بعد الثورة السهم صعد مرة ثانية لمستوى ال 280 ج وبرده محدش خرج وفى ناس أشترت برده تانى .



نقرتين لعرض الصورة في صفحة مستقلة



لا تعليق على سهم أوراسكوم للإنشاء والصناعة فى شهر يونيه 2011



2-الصعيد العامة للمقاولات


السهم برده اتجاه عام هابط طويل الأجل من منتصف 2009 حتى شهر مارس 2011 ولاحظ هبوط السهم من 2.30 ج الى 0.80 قرش وستجد بعد الثورة صعود السهم الى 1.60 ج يعنى مكسب 100 % وده بعد الثورة . هل من الممكن أن نسأل أنفسنا أن الثورة لها تأثير على أسهم معينة أعتقد بالطبع لا !!



نقرتين لعرض الصورة في صفحة مستقلة


يوجد جزء ثانى للموضوع بعنوان سبب هبوط البورصة عام 2011 هل الثورة ولا ( تدهور مصر اقتصادياً ) الجزء الثانى


لمتابعة كل الأسواق المالية والعالمية والعملات تابعونا على
أكبر قناة للتحليل الفنى فى الشرق الأوسط








بالتوفيق ومع تحيات فريق عمل خطوة مصرية









عرض البوم صور فائز   رد مع اقتباس